Ndénkaane Seex Ahmadu Bàmba Xaadimu Rasuul

Ab dog buy tàqarle diggante Muriid (Aji namma yegg ci Yàlla ) ak Mariid (Aji féttérlu biy topp Bakkanam)

1. Melow muriid mooy bàyyi nammeel ngir jëmmi Yàlla miy def la kok soob
2. Képp ku nammul dara ndare Yàlla sunu Boroom, di na yegg ca moom
3. Sóobul yoonaam te ànd ak kuy yare di aji laabire bu lay wommat jëmee ca Yàlla ci ay laabire
4. Képp ku aju ci ku yegg di na yegg, ku aju ci ku yeggul da fay dog ( du yegg)
5. Saa bu la Sëriñ biy aji yare digëlee, jëfeel ndigël la di nga yegg ci sa Boroom
6. Saa bu la teree dara, bul jeng jëm ca te bul sàgganee sàkku ngërem
7. Ndax Sëriñ bu di aji yare nammul ci taalibeem lu dul yéggale ko ci Yàlla musël ci seytaane
8. Képp ku lay tektal leneen lu dul Yàlla na nga ko daw ndax daf lay sànq
9. Képp ku lay tektal Yàlla, boo wuuteek moom ca seytaane ngay dali
10. Nékkal aji gëm, di jëfee ponki Lislaam yi te di leen sellal boo nammee dox jëm ci Yàlla kon ngay ku rafetal
11. Bul bàyyi pas-pas ya di ko jug sunna, te ngay taqoo jaamu Yàlla
12. Te bul nekk di geestu ku dul Yàlla sa Boroom Bi moom jaam ñi, moom seen i jëf ak jamono
13. Tawhiid (Wéetël Yàlla) moo lay musël ci kéefér gu bon ak caay-caay
14. Sellal sa xol moo lay musël ci ngistël
15. Képp kuy woote naan da fay jëmee ca Yàlla te jaarewu ko ca yoonam wa dessu ko nangul
16. Dénk naa la bii dog yaw Muriid bi ( aji namma yegg ci Yàlla), boo ko toppee kon seytaane di na jubale lor ci keneen ku dul yaw
17. Nu ngi sant Yàlla, Yàlla na dollo xéewël ak mucc Yonent bi SAWS
18. Ak i njoñam ak i Sahaabaam ak ña leen topp, liféeg Yàllaa ngi tàbbal Ibliis ci keneen ku dul man